Plantun de Prouvènço

Pèr coumpara dos planto d'encò nostre

Rhamnus alaternus & Ononis rotundifolia

Daladèr

Rhamnus alaternus

Rhamnaceae

Àutri noum : Aladèr, Fielagno, Daradèu, Taradèu, Aigo-espouncho.

Noms en français : Alaterne, Nerprun alaterne.

Descripcioun :
Aubret en bouissoun de 1 à 3 m d'auturo, pas toujour bèn couneigu e pamens que se vèi proun dins la garrigo e li relarg de l'éuse e dóu roure. Se destrìo de si cousin li Phillyrea e majamen lou media, à si fueio que lou bord laisso passa lou lume (fotò). De regarda peréu li costo. Fai, au mes de mars, de pichòti flour verdo.

Usanço :
Li fru rouge, pièi negre dóu daladèr soun empouisounant. Servié, à passa tèms, pèr faire uno tenchuro jauno. La rusco es astringènto e purgativo.

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhamnus
Famiho : Rhamnaceae

Coulour de la flour : Verdo
Petalo : 5
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Garrigo
Estànci : Termoumediterran à Mountagnard
Couroulougi : Pancaro entresigna
Ref. sc. : Rhamnus alaternus L., 1753

Esbroutouiro(-di-fueio-redouno)

Ononis rotundifolia

Fabaceae Leguminosae

Noms en français : Bugrane à à feuilles rondes, Bugrane à grandes fleurs.

Descripcioun :
L'esbroutouiro-di-fueio-redouno es uno erbo à souco lignouso. Trachis en mountagno majamen dins li pinedo à pin-gavot e li roucaio sus cauquié. Li fueio d'en bas an tres fuioun redoun e li d'en aut souvènt soulamen un o dous. Li flour, de 1,5 à 2 cm, soun roso e li dóusso, de 2 à 3 cm, soun proun peludo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 50 cm
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Ononis
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 1,5 à 2 cm
Flourido : Printèms - Estiéu

Sòu : Ca
Autour basso e auto : 400 à 2000 m
Aparado : Noun
Mai à setèmbre

Liò : Roucaio - Pinèdo à pin-gavot
Estànci : Subremediterran à Mountagnard
Couroulougi : Ouroufito-Nord-Ouèst-Mediterrano
Ref. sc. : Ononis rotundifolia L., 1763

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rhamnus alaternus & Ononis rotundifolia

CCC

Coumpara Daladèr emé uno autro planto

Coumpara Esbroutouiro(-di-fueio-redouno) emé uno autro planto